危險！JPEX 大限未至 但只得最後一根稻草 8月10最新更新危險！JPEX 大限未至 但只得最後一根稻草 8月10最新更新

加密狼8

                               
登錄/註冊後可看大圖

                               
登錄/註冊後可看大圖

                               
登錄/註冊後可看大圖

                               
登錄/註冊後可看大圖

                               
登錄/註冊後可看大圖

                               
登錄/註冊後可看大圖

                               
登錄/註冊後可看大圖

睇完 加密媽媽嘅ON9 幣評
我真係無辦法唔出嚟講番幾句，我真心想救得一個得一個！
利申先！我曾經喺0.0028入JPC 去到頂0.04放晒 ！差不多一粒不留
放晒原因 一開始我就知道呢個平台唔撚掂檔！所以一心都係當賭錢！
 係，我係有斬獲，幾球
搵到好多錢，但當我知道身邊好多唔玩幣嘅朋友（特別係婦孺）都開始玩JPC
我就知道呢壇嘢好快出事（我從不推介身邊人買幣，因為太高風險）
我唔敢講佢會冧 （JPEX個平台），但佢隻JPC就一定冧硬！
因為當佢質押池解鎖 我會好肯定有9成真實用家！會絕不猶豫咁不問價放JPC
所以到時嗰場出金血雨，JPEX未必搞得掂！
所以呢個困局！只有一招就可以化解，就係JPC個價大冧～！
到時你地點賣都冇問題！
所以JPC喺出年質押池解鎖前一至兩個月內
一定必冧 去番0.00幾幾不會是夢！
無辦法的
呢個JPEX平台，主要係個港澳台生意 唔似其他平台 面向係全球人類
佢D沙煲同蓋嘅比例太少，而呢個正正係佢不能再向上發展原因
所以我睇完加密媽媽，佢果種天真，佢對加密貨幣果種認識！係同街市買餸果個師奶網絡一樣！
賺到錢，把口唔收，扮專家，教人有錢齊齊搵！《《----- 呢D人開始湧現就證明離爆煲點不遠了
而實在，好似加密媽媽呢D人，仲要不斷去幫JPC大跌搵到藉口
我真係要頒個獎畀佢！
我想講！ JPC呢隻幣！冇路線，冇業績，冇技術分析，冇真實數據，冇國際客戶！香港冇OFFICE，杜拜總部冇咗！澳州OFFICE無影！
冇老細！根本冇交表去申請牌
咁請問前景何來呢？
不過
你話JPEX係咪要摺埋呢？
咁又唔係
因為，JPEX係真係有最後一根稻草 
至於係乜？下面絕密大公開！（講明我不是帶風向，有一根稻草 係一件事，我真心希望大家離開又係另一樣嘢
[ 本帖最後由 加密狼 於 2023-8-10 17:21 編輯 ]

Jacky6208

《〈2》》《《用阿婆都識睇嘅文字全盤分析JPEX》》
無可否認
JPEX 喺市場推廣方面做得唔錯
竟然可以搞到全香港百分之九十幣市KOL一致吹奏！呢D軟實力，你話比佢比心機D讀書真係唔醫生都律師
我感覺 佢地連自己都估唔到行到今時今日
而我亦好相信，佢地其實係想由邪道，轉正！試諗下，而家佢地搞得算相當成功，如果唔再走歪一轉走人
好好經營落去分分鐘可以搞出成績！
但而家局面，進退兩難！成個APP入面所玩緊嘅野 9成係同香港發牌條件相違背！！！！
但佢地完全無當過係一回事
我亦覺得 佢地刻意落地台灣！某程度想搞新魚塘之餘！亦係最後一條後路！
不過！以而家情況
只要你喺GOOGLE打 J P E X
得出大部份結果都係負面！
所以佢想改邪歸正 係有一定難度！
因此，佢地話要出公鏈！
真嘅，如果唔吹水搞出嚟 呢個無形係最後一根稻草！！！！
但大家又要諗下！ JPEX方案實行度其實唔高
GAME 未出（但賣緊相關產品）JPP 未出 （好危險嘅期貨） 香港OFFICE （未搞）
香港請人（未請，我EMAIL過去音訊全無）
而佢地做得最好嘅，就係D門面嘢
賣廣告，搵KOL，搵歪星曲線代言
最近期，佢地搵嚟黑人憎人氣王林作，仲有投資界明燈莊思敏（前作四球叫人入的士牌摸頂）加持
OMG
JPEX相信已經無乜絕招可施
所以最後：公鏈！真係佢地最後一根稻草！！！！
不過呢根草，只係績命草，而並不是救命草！
下期 ，簡單分析呢根績命草，另外再講講JPC的超級危機

加密狼8

公鏈吾易做. 即使您做到, 出面競爭太大, 已不能同2,3年前比啦.
公鏈最大問題在於COMMUNITY. 有冇人肯用?點解要用佢而吾用其他?
以前只得ETH鏈時, 出個BSC, SOLANA, AVAX鏈,就話GAS平, 速度快, 結果就開始多人用由其是玩鏈遊, NFT果班.
後來呢堆公鏈出現左好多HACK, 死機, RUGPULL幣等等安全性問題後, D人就回歸返ETH鏈. 近幾個月又興LAYER2, ARB, OP開始多人玩. 跟住呢半年, ETH鏈上又有好多HACK, D人又開始撤離ETH鏈,搞到D人開始覺得ETH幣價估值被高估.
結論係, 搞公鏈要成功係非常困難, 吾係話出到新公鏈就一定比到高估值, APTOS, SUI都係新一代公鏈但咪又係長期下跌. 係幣圈要生存, 一定要有明星項目加持先得否則係吾會有人肯用的. 最重要係DEVS質數. 您要有好叻既DEVS肯留係您條鏈做創作先得. 就好似SOLANA被FTX拖累插到落8蚊時, 鏈上就有一班勁DEVS整左隻MEME幣BONK出泥, 結果資金就大幅流入SOLANA鏈去炒BONK,令到SOLANA翩生. 就連V神都讚SOLANA鏈上有強DEVS.
您要JPEX整條公鏈出泥,吾係咁易的. 如果您係DEVS, 點解選擇去JPEX而吾係去新一代公鏈APTOS, SUI去做PROJECT? 公鏈需要強INFRASTRUCTURE, 而呢樣野起碼需要至少1兩年先做到出泥. 對DEVS泥講, 佢會傾向選擇一條已做好INFRASTUCTURE既鏈去做而吾係仲係度靠吹牛, 摸索階段既鏈. 而且所有公鏈背後都有好多金主(VC)支持的, 冇幾千萬美金資助,根本就搞吾掂.

sib8

CHING 講得啱
但呢D對而家中左JPEX毒嘅小羔羊嚟講實在太深
所以我呢個POST 盡量用阿公阿婆都睇得明嘅方法去寫出嚟
救得一個得一個
[ 本帖最後由 加密狼 於 2023-8-9 18:23 編輯 ]

加密狼8

你唔講都唔識加密媽媽
睇下先

股壇希望8

想由邪道，轉正
呢句可能係真的！
開波時可能想求其昆下錢算
點知可以發展到咁大

股壇希望8

其實做JPC鎖倉果批人都係D無知既人. 輸錢係正常的.
成個SCAM PROJECT根本就太多RED FLAGS. 老手根本就吾會落搭. 頂多吾鎖倉當SHITCOIN咁炒.
淨係睇個DILUTED MCAP仲大過ETH就已經知道係狗莊操縱幣價啦. 未跌只不過因為流通幣只有2%而果2%入面絕大部分都鎖左倉. 98%在狗莊手上, 狗莊隨時推出市場沽, 用腦唸下都知, 有無過萬億港幣在買方果邊接得住呢. 需知道每日成交額只有1百萬美金左右. 佔總市值太少, 而且買賣差價太大, 證明左LIQUIDITY吾夠, 吾會有大戶肯買, 只有自己人玩.

sib8

《《＜3》》》》 公鏈 乜鏈野
近掛JP狂吹自己出公鏈保命
因為佢哋已經開始對吸金技窮 港澳台要掃番嚟入局嘅師奶基本上都8899
加上海量不利消息傳出
醒目嘅人多左咁多，又係好難再搵新血落搭
於是佢地出所謂絕招，公鏈！
公鏈有乜用 又可以點搞 技術嘅我唔多講，詳情可以睇番上面S師兄個POST
我想講下JP公鏈對於投資者嘅重要性
而家，大部分JP投資者，基本上對區塊鏈 加密貨幣嘅認知度好低好低
而JPEX就正正係睇準呢點，於是就搞出JP公鏈呢壇所謂世紀大事野出嚟
意圖挽救自己空殼形象
我好淺白咁講
搞條公鏈其實無乜技術可言 今時今日你有幾千萬就可以搞到
但你整一條鏈出嚟，整完有無人用？有幾多人用？而家市面上一百幾十個選擇又點解要用你？
因此基本上整出嚟，都係定軍心嘅作用大於實際作用
再補充一次，紅遍港澳台嘅JPEX，家下四面楚歌
JP公鏈嘅願景，只係可以拖得到一時
而且我可以肯定
鏈未出或出左，佢地第一時間就會用盡方法出方案吸U去救亡就嚟爆煲嘅財務問題
所以，佢地出公鏈，對投資者嚟講，只係又多一個機會借口去畀人搵笨柒
雖然，我係好相信佢哋都想轉邪歸正
但恕我直言，以佢地一路以來走嘅精面用嘅套路行落去，最後都係會衰收尾
難聽講句，而家好多JPEX嘅用戶將所有希望左去明年4月嘅JPP 但時實JPEX捱唔捱到出年4月，感覺上好難！
至於 JPEX代言第一人 KOL東記，尋日仲喺自己直播將幾間無牌嘅平台 幣安 BYBIT 同JPEX相提並論，話大家香港都無牌，大家都係金管局口中嘅可疑平台
個人，真係服左佢，麻煩東記你睇下JPEX平台入面，有幾多係金管局口中不容許嘅功能？
答案係全部！
係全部都不乎合啊！
唔係講JPEX 咁係講邊個呢？
下期，詳談JPEX玩合約
[ 本帖最後由 加密狼 於 2023-8-10 17:23 編輯 ]

加密狼8

睇最後結果就知!你地都係收晒200U做打手 為果小小錢要打咁多字..真係辛苦 不如拍片啦, 有2000U+收, 俾小小出色 好冇?

Happycony8

踏人前先讚? show 張0.04賣出圖, 賺幾球既圖來睇睇先啦