比特幣大平賣，係入市時機🤤比特幣大平賣，係入市時機🤤

applebbkk19828

20000跌到10000係咪要訓身？
咁10000再跌到1000呢？係咪要賣樓賣股再訓身？
1000又跌落100呢？再賣後門都要再再再訓身！
最後個班持有大量幣既礦工，100掟貨落10蚊咁點算？
但係人地挖礦0成本10蚊賣一千萬粒幣都袋咗你一億走
數目字來咋喔！
閃卡都有張卡可以收藏，拿出來比小朋友睇吓威威，你Ｄ幣可以點？做咗傻仔都唔夠膽講比人知，怕比熟人笑足一世
[ 本帖最後由 bbq323 於 2023-7-12 20:41 編輯 ]

applebbkk19828

掘礦零成本? 您掘比我睇丫.
全世界最大果幾間比特幣礦商都係美國上市(RIOT, MARA, BTBT). 財報係公開的, 您自己可以去睇下. 佢地三間公司業績都係虧損的. 即係話佢地掘礦扣除成本(硬件,電費,倉租,人工等等)之後都係蝕錢的. 
比特幣每4年就會增加掘礦難度一倍, 如果我無記錯, 現時每日比特幣可掘數目只有900粒. 2024年難度增加一倍後, 每日只可掘450粒. 試想下, 在經常性費用(電費,人工,硬件,維護,倉租)未有減少情況下, 您產出減半. 即係話比特幣理應升一倍以上,礦商先至可以比以前賺錢. 當新供應減少一半時, 您可以預計到價格將會上升.
您再唸多少少. 所謂掘礦成本只會不斷增加甚至大升. 您宜家交緊既電費同去年比已經差好遠啦. 人工只有升冇跌, 您有冇見過政府減最低工資? 倉租亦係易升難跌. 硬件更加吾使講, 晶片有制裁,您認為價錢會平?
再比一D數據您. 上年年尾, 比特幣插落16000左右時, 所有比特幣礦商掘礦成本係16000至20000一粒. 當比特幣價格得16000時, 代表礦商掘一粒蝕一粒, 果時絕大部分礦商將一部分礦機熄左去減低成本, 而佢地為左應付經營費用,  攞左自己比特幣儲備出泥賣. 果時就係最艱難日子. 果時MARA股價跌到落3蚊(宜家17蚊). 
因為礦商成本介乎16000至20000, 您可以預期到當比特幣企穩3萬之上時, 礦商每日需要賣幣應付費用的數目將會大減. 即係話市場上的沽壓會減少, 亦即係話, 價格係易升難跌.

keho48

你所講既所謂成本,只是資本性投資,基本上不是生產成本
簡單講,
數字幣的生成是無中生有,我不是單指BTC,而是所有垃圾幣既生產模式,都是copy再copy,
和遊戲生產一樣,寫完程式,
就可以無限copy出售
當然你可以話是有限,
但其實是無限,
首先!有限是寫程式的人自設,
不是物理形式有限!(例如地球資源就是真正有限)
其次,就算自設有限,但又可以無限拆細,基本上又是另一種無限,當一個幣可以拆細到百萬份之一個幣去出售,
那用一元去買百萬份一個幣
就可以輕易將幣價炒上一百萬,而成本只需一元!
這才是騙局最精妙之處

damomo8万里行8

您所講既零成本理論可以應用係您每日用緊既現金身上.
政府印銀紙咪一樣係零成本, 依您既理論,一樣係騙局.
政府可以無限印. 咁您又用?
您知吾知點解通漲會咁勁? 咪就係政府印銀紙囉. 點解您人工有得加?咪又係印銀紙囉.
假設全世界都吾印, 全世界有既錢就會有CAP. 而全世界經濟就會冇得升, 因為全世界都塘水滾塘魚而全世界人口就KEEP住升. 您人工冇得加, 因為您賺多1蚊就等於全世界少左1蚊. 如果印銀紙, 佢印1萬億先加您1000蚊人工, 梗係冇問題啦. 您明吾明?
您買既股票吾係騙局? 大把虧損既公司點解市值仲有幾千億甚至過萬億? 點解上市公司可以無限配股,無限增發? 點解政府可以無限發債?不斷發債券比老散買?
無論您接受與否, 您身處既世界全部都係騙局. 明吾明?
如果您話加密貨幣無中生有, 您手上既現金都係無中生有. 所有野既價值都係人定的, 您話呢個古董值100蚊又得, 佢話值1億又得. 只要有成交,有人買賣就有價值. 呢個價值係"共識"明吾明? 
美團您話值1蚊,人地話值100蚊, 到底值幾多都係市場定的, 不是您同我定的.
比特幣值幾多,吾係您話一文不值就會一文不值. 如果市場認為值3萬美金, 您吾服,大可以沽空,沽到1蚊. 但我驚您輸到賣屎忽都吾掂呀.

空间大师8

說得對，價值是要大部份人認同，就會產生！
但是亦建基於真正需求，政府印銀紙是建基於全國人民的努力建設，經濟活動，生產力量，有一億人工作，生意了一億件貨品，拿去全世界賣到十億，咁政府印十億出來，出糧比生產者，勞動者！這就是叫做經濟增長
當人人都想每年加人工，老板貨品又想每年加價，再印一億出來維持通漲，人人加人工，銀行有利息，共贏！
但你Ｄ虛幣就算把啦！司馬千之心！路人皆見之。

bbq3238

您所講既COPY並不適用於比特幣. 咩叫去中心化? 就係根本冇一個老細, 根本冇人有權去做COPY. 程式上寫左只有2100萬粒,就永遠冇可能有超過呢個數. 每個月只有900粒新供應就冇得改, 每四年產出減半無得改, 掘礦成本高就係因為多人掘, 大家鬥速度鬥技術,所以硬件要不斷UPGRADE希望比人地掘多D. 大家都係想爭果900粒每日新供應. 成本就係成本. 不能用一個程式就COPY. 您去做隻新幣無問題, 問題在於有冇人肯買.
您自以為好醒,認為加密貨幣係騙局但大把有錢佬包括首富都持有比特幣. 您認為您叻過佢地?

sib8

你所講既只有2100萬粒，係等同遊戲入面既幣，
但是整個遊戲是可以無限ＣＯＰＹ，改一改個名又可以推出，所以現在垃圾幣多到數不清，真係呀豬呀狗都發行虛幣，只要有傻仔參與就得！整個形式都是千編一律，先比一班人好容易得到一筆免費幣
再吹虛用一蚊買一百萬份一個幣，當有一百萬個人都用一蚊去參與，幣價就一百萬成交了
個班免費得幣的人就可以身家暴漲
但從來最高出價的都是一元，點樣蝕都是一元 
到真係有傻仔願出五十萬買一粒幣，以為平一半賣比你，大把有得升！就好睇過大電影 
另外又有班洗黑錢參加，將零成本騙返來既錢變成白錢，佢地當然唔會介意呢Ｄ風險
咁咪越來越多成交囉！
但到低傻仔有幾多，用真錢去幫人洗白！你自已想想啦

bbq3238

錯. 印銀紙並不是建基於全國人民努力建設. 係建基於人的貪念. 雷曼爆煲, 係基於執行人賭輸錢,導致還吾到債比債主, 債主突然收吾返D錢,火燒連環船. 政府印銀紙就係去頂住呢D崩潰, 您欠1萬億, 我就印1萬億, 就當無欠債,無事發生.
中國宜家減息,印銀紙吾係去獎勵果D努力工作既人民, 而係拯救果D內房. 內房爆煲係因為貪念. 得1蚊借10蚊去買地起樓, 以為樓價只會升不會跌. 減息印銀紙就係要降低果班貪心之徒既債息, 亦希望人民可以因為減按揭息而買佢地既樓,幫佢地還債.
資金流入流出就已經決定左果個地方經濟好與壞. 香港股票市場成交低迷, 指數表現係全世界最差的就係因為冇資金流入. 大陸宜家減緊人工, 代表佢地冇努力工作嗎? 
所謂生產, 並不限於實物而係包括服務,技術支援等等. 讀書時都讀過啦. PRIMARY, SECONDARY, TERTIERY PRODUCTION. 從來最賺錢的就係提供服務的. 加密貨幣, 區塊鏈技術就係提供一條公鏈比人係鏈上做活動, 包括買賣, NFT, 元宇宙, 鏈遊, 滙錢, 質押收息等等. 呢D服務係要收費的即所謂GAS. 所以呢D公鏈係賺錢企業, 並吾係您所講既無中生有. ETH為例, 每日過百萬單鏈上交易, 每單收10蚊美金的話, 一日都有超過1000萬美金收入, 只係單純計呢一個單一業務. 
您吾明白就應該多作研究.不要憑一己偏見去睇一件事.

sib8

都係果句, 如果您認為單憑COPY再COPY就可以有人買, 您可以試下. 您吾唸下點解咁多人買比特幣呢? 佢地全部都係傻仔? 包括首富, 美圖等等大上市公司.

bbq3238

吾好再執迷不悟啦. 
我都講左吾係零成本. 您如果認為係, 我用1千蚊美金同您買一粒比特幣. 您掘比我睇下丫.